NEPOTISMO

Vouvos contar un feito que sucedeu istes días no Casco Vello de Verín.
Alguén foi falar co alcalde para que lle pintaran unha plaza de minusválido diante da súa casa. O alcalde solícito mandou rápidamente unha brigada a facelo. Cando estaban comenzando a pintar pasou por alí o solicitante e como non lle pareceu ben o sitio foi falar de novo co alcalde para que llo pintaran na outra beira da rúa na que o estaban facendo. O solícito alcalde  mandoulle á brigada que deixaran de pintar alí e o fixeran enfrente. Pero, atención, que cando estaban pintando na nova ubicación, veu a Policía Local e díxolle á brigada que os minusválidos non estaban autorizados para acceder ao Casco Vello.
Esperpéntico e surrealista.

Non é a primeira vez que o alcalde practica iste tipo de amiguismo. Vennos á memoria aquela confesión dunha señora que nos dixo que fora ela, a tíduo individual, quen lle pedira ao alcalde que peonalizase o Casco Vello. E agora entendemos tamén por qué o alcalde,  cando lle levamos as firmas que demostraban que o 99% dos comerciantes estábamos en contra da medida, burlárase de nos dicindo que il tamén tiña firmas a prol da medida. E tamén  por qué colocou os carteis de prohibición de circulación e estacionamento de xeito ilegal.
O xeito de exercer o poder por parte do actual alcalde ten un nome : NEPOTISMO.

O curioso é que cando a Asociación de  viciños, empresarios e comerciantes  imos solicitar diferentes cousas ao Concello, non se nos fai nen caso.

Nota:   A Asociación de viciños, empresarios e comerciantes APROEMCO quere facer constar que nunha entrevista solicitada ao teniente de alcalde ,hai uns meses, mostramos a nosa preocupación porque aos minusválidos non se lles deixase entrar ao Casco Vello co seu coche, e solicitamos que o poideran facer.